ಕಟ್ಟಿರುವ ಕಟ್ಟಡಗಳೆಷ್ಟೋ
ಅಷ್ಟೇ ಬೆಳಕುಗಳು,
ನೆರಳುಗಳು. ಕೆಳಗೆ
ಕುರ್ಚಿ, ಹಾಸಿಗೆಗಳ ಸೊಕ್ಕು ಕಾಣದ
ರಸ್ತೆಯಂಚಿನಲ್ಲಿ ಸಾಲು ಕುಳಿತ ಜೀವಗಳ
ಉಸಿರಾಟಗಳ ಲಯವೋ ಲಯ!
ಈ ತಾಳಗಳು ಏಕತಾನವಾಗದಂತೆ
ಆಗಾಗ ಬಿಸಿಲು ಶೆಖೆಗಳು ಉಸಿರು ಕಟ್ಟಿಸುತ್ತವೆ
ಪಂಚಭೂತಗಳೂ ಭೂತಸದೃಶವಾಗಿ
ಬಡಿಸುತ್ತವೆ ಎದೆಗಳನು ಡವಡವಡವ
ಓಡುತ್ತಿರುವ ಕಾರುಗಳಲ್ಲಿಯೋ
ಬೊಬ್ಬಿಡುವ ರಾಗ ತಾಳಗಳು
ಉದ್ರೇಕದಲಿ ಎದೆಗಳನು ಕುಣಿಸುತ್ತಿವೆ
ಕೆಲವೇ ಮೀಟರುಗಳಾಚೆ
ಬೋಸ್ ಬರೆಸಿದ್ದಾರೆ
"ಇದು ಕಟ್ಟಡವಲ್ಲ, ದೇಗುಲ"
ಐಡಿ ಪತ್ರಗಳ ತೋರಿ
ಬೋಸರ ಅಪ್ರತಿಮ ಉಪಕರಣಗಳೆಡೆ
ಇಣುಕಿ, ದಾಟಿ
ಅರಿಸ್ಟಾಟಲನೆಡೆ ಒಮ್ಮೆ ನಕ್ಕು
ಅವನದ್ದೇ ಭಾಷೆಯಲ್ಲಿ
ಬರೆಯ ಹೊರಟಿದ್ದೇನೆ
ನಿಜವಾದ ಸತ್ಯಗಳ
ದೇಗುಲದ ಆಚೆಗೆ,
ಕಾಲಿಡದ, ಕಣ್ಕಣ್ಣು ಬಿಡುವ
ಇವೇ ಹಲವು ಜೀವಗಳ
ತಣ್ಣನೆಯ ನಿಟ್ಟುಸಿರು!
Subbu, Great words and great meaning.
ReplyDeleteIt's good and one thing I liked was that it kind of rings.
ReplyDeletetruth in an intense way
ReplyDelete